Gipahinumdoman sa Department of Labor and Employment (DOLE) Region 9 ang tanang employer nga kinahanglan ihatag ang “last pay” o final pay sa empleyado sulod sa 30 ka adlaw human sa pag-resign o pag-undang sa trabaho.
Matod pa ni Atty. Julius Banzon, Senior Labor and Employment Officer sa DOLE Region 9, subay sa labor advisory no. 06-20 kinahanglan mahatag sa employer ang wala pa mabayri nga sweldo, prorated nga 13th month pay, cash conversion sa wala nagamit nga leave credits, ug uban pang benepisyo nga angay madawat sa empleyado.
Dugang ni Atty. Banzon nga importante nga sundon sa mga employer ang maong patakaran aron malikayan ang posibleng reklamo o kaso gikan sa mga empleyado nga wala makadawat sa ilang angay nga benepisyo.
Gipasabot usab niya, ang paglangan o dili paghatag sa last pay mahimong mahimong basehan sa pagpasaka og labor complaint batok sa employer.
Alayon niini, gidasig ni Atty. Banzon ang tanang employer nga mahimong responsable ug matinumanon sa ilang obligasyon ngadto sa mga empleyado, ilabi na sa hustong paghatag sa last pay sulod sa gitakdang panahon.
Photo Courtesy: Dole Zamboanga Sibugay
