Padayon pang giila ang napalgang patay’ng lawas sa usa ka lalaki nga naglutaw sa Agusan River, bahin sa Barangay Golden Ribbon, Butuan City.
Sumala ni Barangay Kagawad Joel Taliman Galido, nadiskubrehan sa mga residente ang maong lawas pasado alas 10:00 sa buntag sa makalabayang adlaw sa Purok 3A, samtang naglutaw kini sa tunga-tunga sa suba.
Aron malikayan nga maanod pa, giduol kini sa usa ka residente nga adunay bangka ug gidaplin sa kilid sa suba.
Gihiktan usab ang lawas sa daplin sa dike aron dili na kini maanod samtang gipaabot ang presensya sa mga otoridad.
Sa pagkakaron, padayon pa ang imbestigasyon aron mailhan ang identidad sa biktima, ilabi na nga walay nareport nga nawala nga residente sa maong barangay.
Photo Courtesy: BCPO
