Mipadayag ang legal counsel ni VP Sara Duterte nga wala sila nabalaka sa giplanong testimonya ni Ramil Madriagaatubangan sa House Committee on Justice karong Abril 14.
Matod sa kampo ni VP Sara, giisip nila si Madriaga nga “weakest link” sa mga alegasyon batok sa bise presidente, ug posibleng ang iyang kaugalingong pahayag ang makadaot sa iyang kredibilidad.
Giingon sa iyang legal counsel nga dili nila pugngan ang testimonya sa House hearing, ug andam sila gamiton ang bisan unsang bag-ong isulti ni Madriaga aron pamatud-an nga dili tinuod ang iyang mga alegasyon.
Dugang pa, gipahimangno sa kampo ni VP Sara nga nabalaka sila nga posibleng motuo ang publiko sa mga akusasyon, bisan pa og giangkon nila nga wala silay kalabotan sa giingong mga hulga batok sa kinabuhi ni Madriaga.
Sa laing bahin, gisalikway sa abogado ni Madriaga ang pahayag nga “weakest link” ug giingon nga klaro kini nga paningkamot sa pagdaot sa kredibilidad sa ilang kliyente bisan wala pa ang formal hearing.
Matod niya, andam si Madriaga nga motestigo ubos sa panumpa ug mo-atubang sa imbestigasyon sa House, diin ang ebidensya dili press briefing ang magbuot sa tinuod nga kahimtang.
