Gipahibalo ni President Ferdinand “Bongbong” Marcos Jr. nga adunay dakong rollback sa presyo sa fuel nga magsugod sa Martes, Abril 14, 2026.
Sumala sa Presidente, moubos ang presyo sa diesel og sobra Php20 matag litro, ang gasolina og Php4.43 matag litro, ug ang kerosene og Php8.50 matag litro.
Kini gikumpirma usab sa Department of Energy (DOE), nga nag-ingon nga posible pa gani nga mas mosaka ang rollback sa diesel hangtod Php20.89 kada litro.
Giingon ni Marcos Jr nga dako kini og tabang sa mga drayber, commuters, ug sa mga pamilyang Pilipino nga apektado sa taas nga presyo sa lana, apan iyang giila nga “dili pa kini igo” ug magpadayon ang gobyerno sa pagpangita og dugang solusyon aron mapagaan ang epekto sa pagsaka sa presyo sa palaliton.
Sumala sa DOE, ang kalibutanong tensyon sa Middle East maoy usa sa hinungdan sa pagtaas sa presyo sa lana sa miaging mga semana, nga nakaapekto sa suplay ug kalihokan sa merkado sa krudo sa tibuok kalibutan.
Nagpasalig ang gobyerno nga magpadayon ang mga lakang aron mapamenos ang gasto sa transportasyon ug adlaw-adlaw nga panginabuhi sa mga Pilipino.
