Gikonsidera ni kanhing Bise Presidente Kamala Harris ang posibilidad nga modagan pag-usab pagka-presidente sa Estados Unidos sa 2028.
Sa usa ka miting sa National Action Network sa New York City, usa ka organisasyon nga gitukod ni Reverend Al Sharpton, diretso nga gipangutana si Harris kung modagan ba siya pag-usab sa sunod nga presidential election.
Mitubag siya nga posible ug naghunahuna pa siya niini, ug iyang gipadayag nga iyang timbang-timbangon ang desisyon base sa kung kinsa ang labing angay nga lider nga makaserbisyo sa katawhang Amerikano sa 2028.
Si Harris mao ang kandidato sa Democratic Party sa 2024 presidential election apan napildi siya kang Donald Trump nga nakadaog sa popular vote ug Electoral College.
Sa iyang political career, nagsilbi siya isip US Senator ug Attorney General sa California, ug kaniadto usab misulay sa 2020 presidential race apan napakyas.
Samtang, giingon sa mga political observers nga ang posibleng pagdagan ni Harris mahimong atubangon og hagit tungod sa panginahanglan sa mga botante nga makakita og bag-ong liderato sa Democratic Party.
Sa maong kalihokan, mitambong usab ang pipila ka posibleng Democratic candidates lakip si Josh Shapiro, Pete Buttigieg, ug JB Pritzker.
Photo Courtesy: Wikipedia
