Nanawagan karon ang grupong BAN Toxics ngadto sa Food and Drug Administration ug Department of Trade and Industry nga pakusgon ang pagpatuman sa balaod batok sa padayong pagkatap sa mga delikadong plastic swimming floater toys sa merkado.
Diin ang maong panawagan dungan sa makapa-alarma nga resulta sa pagmonitor sa nasampit nga grupo sa mga merkado sa Metro Manila ug Tacloban.
Base sa ilang pag-suta ang lainlaing matang sa mga dulaang pantubig sama sa swim rings, beach balls, at swim vests adunay taas nga lebel sa peligrosong mga kemikal sama sa lead, mercury, ug cadmium.
Gawas sa presensya sa mga makahilong kemikal, gibutyag usab sa grupo nga kadaghanan sa mga nasampit nga produkto kulang sa tukmang label o impormasyon alang sa mga konsumidor.
Kun asa ang kakuwang sa igong mga pahimangno ug mga detalye sa packaging usa ka klaro nga paglapas sa mga probisyon ubos sa Republic Act No. 10620.
Gipasiugda usab sa BAN Toxics nga ang padayon nga pagbaligya sa mga substandard nga mga produkto makahatag og usa ka seryoso nga peligro sa kahimsog sa publiko.
Photo Courtesy: Veritas
