Nipasidaan ang Presidential Communications Office (PCO) nga pasakaan og kaso ang mga nagpakatap og huhungihong bahin sa panglawas ni Presidente Ferdinand Marcos Jr.
Si PCO Acting Secretary Dave Gomez niingon nga nagtigom sila og mga ebidensiya ug mopasaka sila og reklamo sa Department of Justice (DOJ). Matod sa PCO nga nagpakatap ang mga bots ug trolls og mga litrato ug video sa Presidente nga daw niubos ang timbang.
Giklaro sa PCO nga ang nasangpit nga mga lltrato gikuha sa dihang ang Presidente nag-antos sa diverticulitis diin gipaubos siya og soft diet o sabaw lang ang iyang kaonon. Matod niya nga ipaambit usab nila ang dili hanap nga hulagway ni Marcos diin siya nakigtagbo sa Malacañang ug anaa sa maayong panglawas.
Photo Courtesy: PIA
