Dakpan ang usa ka drug suspect pinaagi sa gipahigayon nga drug buy-bust operation sa Laylay Street corner Echavez Street, Barangay Estaka, Dipolog City ug nasakmit ang mokantidad sa Php102,000.00 nga shabu niadtong nakalabay nga adlaw.
Wala na hinganli ang dinakpan, 43-anyos, construction worker ug taga lungsod sa Ipil, Zamboanga Sibugay kinsa temporaryong nagpuyo sa lugar diin kini nadakpan.
Nasakmit gikan sa suspetsado ang 1 ka gamay nga pakete sa shabu nga nagsilbing buy-bust item ug ang 500 peso bill nga gigamit isip buy bust money.
Dugang nasakmit gikan sa iyang posisyon ang 2 ka gamay nga pakete ug 1 ka dako nga pakete sa shabu, drug paraphernalias ug mga non-drug items. Mokabat sa 15 grams ang kinatibuk-ang gibug-aton sa druga nga narecover gikan sa suspetsado.
Gipangunahan sa mga personahe sa Dipolog City Police Station ang maong operasyon kauban ang Philippine Drug Enforcement Agency (PDEA) Region 9.
Balhog sa selda sa Dipolog CPS ang dinakpan samtang ang mga nasakmit nga ebidensya gi-turnover ngadto sa Zamboanga del Norte Provincial Forensic Unit alang sa laboratory examination.
Photo Courtesy: Dipolog CPS
