Gipatawag ni Mayor Leonard Escobillo ug sa kapulisan ang mga indibidwal nga gidudahang tigpalit og bulawan gikan sa ilegal nga pagmina sa kabukiran sa Tampakan, South Cotabato niadtong nakalabay nga adlaw.
Sa nahitabong dayalogo, nangayo og pasaylo ang maong mga personahe ug nisaad nga makig-alayon na sa lokal nga kagamhanan.
Kini nga lakang gihimo ni Mayor Escobillo aron matumbok kung kinsa ang mga “financier” o ang mga nagpundo niining ilegal nga buluhaton.
Nasayran nga ang “banlas” nagdala og dakong hulga sa kaluwasan sa mga residente ug maoy rason sa pagkaguba sa kinaiyahan. Tungod niini, wala naghunong ang panawagan sa gobyerno nga protektahan ang kabukiran ug mosunod sa balaod.
Padayon usab nga molihok ang Task Force Banlas aron hingpit nga mapatunong ug mahunong ang mga ilegal nga aktibidad sa maong dapit.
Photo Courtesy: LGU Tampakan
