Gipahinumduman ni Cagayan de Oro City Police Office, Station 1 Commander, PMaj. Byron-John Ratunil ang mga driver sa motorela nga nakadawat og 7,000.00 nga ayuda nga dili mag-kumpiyansa sa pag-uli, tungod kay basin mabiktima sila sa tulis, ilabi na nga dako-dako nga kantidad ang ilang dala.
Apan, bisan pa niana, gipasaligan sila ni Major. Ratunil nga kontrolado sa kapulisan ang siguridad sa palibot sa City Hall.
Gani mas daghan pa ang mga tawo nga ni dagsa sa people’s day apan, nag malampuson gihapon ang ilang gipatuman nga security measures. Sa katibuk-an, hapsay ang pagpahigayon sa fuel subsidy distribution.
Photo courtesy: Cagayan de Oro City Information Office
