Nipagawas og emergency alert ang Prime Minister’s Office sa Japan human ang gidudahan nga ballistic missile launch gikan sa North Korea.
Gimanduan ni Prime Minister Sanae Takaichi ang tanang buhatan nga mohimo og maximum effort sa pagkatap og impormasyon, sigurohon ang kaluwasan sa mga asset, ug maghimo og precautionary measure aron mapabilin ang seguridad sa nasud.
Matod sa opisyal nga pamahayag daling gipailawom sa heightened monitoring ang aviation ug maritime sectors samtang gipahimangnuan ang publiko nga magpabiling alerto ug sundon ang abiso sa kagamhanan.
Ang maong insidente nagtukmod og padayong hulga sa North Korea ngadto sa rehiyon nga naghatod og kabalaka sa kaluwasan ug kalig-on sa East Asia.
Ang maong emergency alert kabahin sa paspas nga pagtubag sa Japan aron masiguro nga andam ang nasud sa bisan unsang posibleng kagubot dala sa tensiyon sa Korean Peninsula.
Photo Courtesy: The Statesman
