Tulo ka indibidwal ang nadakpan sa usa ka joint buy-bust operation nga gipahigayon sa kapulisan ug Philippine Drug Enforcement Agency sa Purok 6, Mangahan, Barangay Matti, Digos City niadtong nakalabay nga adlaw.
Sumala sa report, target sa operasyon si alyas “Ward,” nga giingong nagpadagan og drug den sa maong lugar. Nadakpan kini human mapalitan og gidudahang shabu sa poseur buyer.Nadakpan usab ang duha ka kauban nga giila nga si alyas “Paulo” ug “Nip-nip,” nga naa sulod sa giingong drug den atol sa operasyon.
Narekober sa mga otoridad ang mokabat sa 5.32 gramos nga gidudahang shabu nga nagkantidad og ₱36,176, lakip ang drug paraphernalia ug usa ka cellphone.
Sa pagkakaron, anaa na sa kustodiya sa kapulisan ang mga suspek samtang giandam ang kasong paglapas sa Republic Act 9165 batok kanila.
