Gipasalig sa Department of the Interior and Local Government (DILG) Secretary Juanito Victor Junvic Remulla nga makabaton og mas gipakusgan nga police visibility sa Philippine National Police (PNP) ang mga tunghaan bisan pa sa oras sa tingtungha.
Tumong niini mao nga mabati sa mga ginikanan ug tinun-an ang seguridad nga ilang gikinahanglan. Matod ni Remulla nga kabahin kini sa trabaho ug mandatu sa kapulisan ug bisan sa local nga kagamhanan.
Giawhag sab sa kalihim ang publiko nga kung walay presensiya sa kapulisan sa mga tunghaan, itawag kini sa 911 aron dali nga mapadalhan og PNP sa lugar.
Samtang, ang maong lakang sab matod pa makatabang nga makunhoran ang datus sa kriminalidad sa nasud og mas mapalig-on pa ang police visibility sa mga pampublikong mga lugar aron mapatuman ang seguridad ug kaayohan sa mga komunidad.
Photo Courtesy:Philippine News Agency
