Nagpakita og kaandam ang China nga makigtambayayong sa Russia aron makuhaan ang grabeng epekto sa tensiyon sa Middle East.
Gibutyag ni Chinese Foreign Minister Wang Yi nga atol sa iyang pakighinabi ngadto kang Russian Foreign Minister Segei Lavrov nga padayon kini silang magtinabangay sa UN Security Council aron hingusgan ang kalinaw.
Matod ni Wang nga ang nag-una nga solusyon sa krisis sa Strait of Hormuz mao ang dinalian nga ceasefire ug kanunay nga sugyot sa China mao ang political settlement pinaagi sa dayalogo ug negosasyon.
Dugang sab ni Wang nga isip permanente nga miyembro sa UNSC, kinahanglan nga mopatuman ang China ug Russia og objective ug balanced approach aron makakuha og mas lapad nga suporta gikan sa international community.
Samtang sa pamahayag sa Russian Foreign Ministry, nga pareho kini sila og panan-awon ug tinguha subay sa kadaghanan sa mga global issues lakip ang sitwasyon sa Iran nga resulta sa pag-atake sa Estados Unidos ug Israel.
Sa kinatibuk-an, klaro nga nakita sa China ug Russia ang panginahanglanon sa paspas nga ceasefire ug pagbukas sa political-diplomatic dialogue aron makuhaan ang tensiyon ug magpabilin ang kaluwasan sa world market.
Photo Courtesy: The Diplomat
