Miabot sa dili momenos 200,000 ka outbound passengers ang natala sa Philippine Coast Guard (PCG) sa tibuok obserbasyon sa Holy Week niadtong adlaw nga Dominggo. Base sa datos sa PCG, narekord ang 195,257 ka outbound passengers samtang ang inbound passengers nitaas usab ngadto sa 167,690.
Sumala ni PCG Spokesperson Noemie Cayabyab, ang pinakadaghang pasahero narekord sa mga dapit sa Cebu, Batangas, Aklan, Iloilo, ug Davao. Hisayran nga sugod kahapon Dominggo, Abril 5, nagsugod na ang pagdagsa sa mga biyahero pabalik sa Manila isip pagpangandam sa pagbalik sa trabaho karong adlawa.
Dugang pa sa PCG, wala’y dakong kausaban ang gidaghanon sa mga pasahero karong tuiga kon itandi sa narekord niadtong Semana Santa 2025, diin hapit usab niabot sa susamang ihap ang mga mibiyahe.
