Ipatuman sa Kidapawan City LGU ang Work from Home matag adlaw’ng Biyernes base sa gianunsyo ni Kidapawan City Mayor Atty. Jose Paolo Evangelista ug base usab sa gipirmahan niini nga Administrative Order No. 3.
Nihangyo ang Mayor sa mga empleyado sa City Hall nga dili pwedeng mogawas sa ilang Area of Responsibility kon AOR sa maong adlaw ug on-call ang tanang empleyado.
Dugang pa, nga kung ipatawag ang mga empleyado sa nahisgutang adlaw, kinahanglang nga sulod sa 30 minutos o usa ka oras maka report na ang gipatawag nga empleyado.
Samtang, wala usab naapil sa maong Administrative Order pipila ka mga opisina, lakip na ang City Health Office ug uban pang mga opisina nga may kalabutan sa Emergency Response.
Giawhag usab sa Mayor ang mga opisina nga wala nalakip, nga ipahigayon ang skeletal working arrangement.
Photo Courtesy: City Government of Kidapawan
