Nakarekord og sobra sa target nga koleksyon ang Bureau of Customs sa bulan sa Marso, nga miabot sa kapin 1.2 bilyon pesos.
Base sa inisyal nga datos, mikolekta ang ahensya og 84.426 bilyon pesos, nga mas taas og 5.1 porsyento kumpara sa 80.359 bilyon pesos sa samang bulan sa miaging tuig.
Sumala kang Ariel Nepomuceno, dako ang papel sa mga collection districts ug port personnel sa maong kalampusan, ilabi na sa ilang dedikasyon sa matinud-anong serbisyo.
Gipasabot usab niya nga ang maong kita makatabang sa pagpalambo sa imprastraktura ug sa pagpondo sa mga social programs sa gobyerno.
Samtang, padayon usab ang Department of Finance sa pagdasig sa digitalization, transparency, ug ease of doing business aron mas mapalambo ang ekonomiya sa nasud.
Photo Courtesy: Rappler
