Gihingusgan ni kanhi president ug karon Pampanga 2nd District Rep. Gloria Macapagal Arroyo nga mas maayong hatagan og trabaho ang mga Pilipino inay tabangan taliwala sa krisis sa lana sa nasud tungod sa tensiyon sa Middle East.
Sa Kamara, giduso ni Arroyo ang House Bill (HB) 4972 o ang “Bayanihan Work Program” alang sa mga pamilyang Pilipino imbes nga “monetary aid” o hinabang panahon sa krisis, nga nag-insistir nga mas maayo ang mas maayong trabaho nga mas makaganansya.
Lakip sa mga trabaho nga matabang sa gobyerno mao ang mga programa sa imprastraktura, serbisyo sa pag-atiman, suporta sa edukasyon, pagpangandam sa kalamidad, ug uban pa.
Matod ni Arroyo, dali nga mahurot ang mga hinabang samtang adunay estable nga mga trabaho, matod niya, aduna nay masaligan ang mga pamilyang Pilipino alang sa ilang panginabuhi ug gasto sa ilang pamilya, ilabi na kay taas kaayo ang presyo.
Si Arroyo usa ka inila nga ekonomista kansang nag-unang adbokasiya mao ang stable nga trabaho alang sa mga pamilyang Pilipino.
Photo Courtesy: Philippine News Agency
