Layo na ang naabot sa kinabuhi ni Manuel John Cañero, nga nailhan kaniadto sa showbiz isip John Paul Cañero. Gikan sa pagka aktor, singer, ug commercial model, karon usa na siya ka accomplished medical worker sa Geneva, usa sa mga lugar nga giila nga taas og standard sa healthcare system.
Niadtong 2012, nipili si John Paul nga misuway og bag-ong dalan isip nurse sa Switzerland. Sa iyang kakugi ug dedikasyon, nagpadayun ang paglambo hangtod nahimong chief nurse sa usa ka nursing home sa Geneva.
Matod pa niya sa usa ka interbyu, wala gyud niya damha nga moabot siya sa punto nga siya na ang manguna sa usa ka grupo sa healthcare professionals.
Dugang pa, dili lang siya nagtrabaho isip nurse kay nagtudlo usab siya part-time sa usa ka unibersidad sa Geneva, diin iyang gitudlo ang healthcare system sa mga estudyante.
Karon, padayon gihapon ang iyang paglambo ilabi na kay nagkuha siya og Master’s degree sa Advanced Studies in Management in Healthcare Organization.
Photo courtesy: PEP
