Gipalagpot sa iyang partido ang usa ka 59 anyos, nga konsehal sa Rotterdam, Nederlands tungod kay ang iyang litrato sa publicity photo gi-edit pag-ayo gamit ang artificial intelligence (AI) nga halos dili mailhan sa publiko.
Naila ang konsihal mao si Patricia Reichman, gisaway human ang iyang tinuod nga panagway nag-viral, nga layo ra kaayo sa litrato nga iyang gisumite.
Sumala ni Reichman, ang orihinal nga litrato ubos ang resolusyon mao nga gidala niya kini sa usa ka online tool aron mas klaro kini. Gipasalig niya nga ang litrato wala gi-edit ug ang iyang panagway nausab lang tungod sa tambal nga iyang giinom.
Gipanghambog pa gani sa politiko nga kanunay siyang masaypan nga uyab sa iyang kaugalingong anak tungod sa iyang batan-on nga panagway. Bisan pa, ang iyang partido nga Leefbaar Rotterdam wala motuo niini nga mga pasangil. Gihangyo nila nga mo-resign siya sa pwesto tungod kay ang litrato nga iyang gisumite klaro nga peke ug gimaniobra sa AI.
Tungod kay midumili siya sa pag-resign, hingpit siyang gipalagpot sa partido. Sa ilang opisyal nga pamahayag, ilang giinsistir nga ang paggamit sa AI sa litrato nakadaot sa pagsalig sa publiko tungod kay ang personalidad nga iyang gipakita wala motakdo sa realidad.
Photo Courtesy: philstar News
