Gipahibalo sa Department of Energy nga ang fuel inventory sa Pilipinas karon igo pa sa 51 ka adlaw sukad Marso 27, 2026. Mas taas kini kumpara sa unang report sa ahensya nga 45 ka adlaw. Ang gobyerno nagpadayon sa pag-import sa lana gikan sa lain-laing nasud tungod sa gyera sa Middle East.
Segon ni Executive Secretary Ralph Recto nga naka-order na ang administrasyon ni Ferdinand Marcos Jr. og usa ka milyon ka baril o sobra 165 milyon ka litro sa diesel. Gikabutyag na miabot na ang unang shipment gikan sa Japan nga nagdala og 22.6 milyon ka litro.
Ang uban pa nga delivery gikan sa Malaysia, Singapore, India, ug Oman gilauman moabot sa bulan sa Abril. Giklaro sa DOE ang supply per fuel type: Gasolina – 59 ka adlaw, Diesel – 46 ka adlaw, Kerosene – 107 ka adlaw, Jet Fuel – 62 ka adlaw, Fuel Oil – 57 ka adlaw, ug LPG – 34 ka adlaw.
Dugang ni DOE Secretary Sharon Garin nga ang pondo karon igo pa aron makapalit og dugang supply ug adunay buffer time para sa dugang pondo. Bisan pa niini, gi-awhag sa DOE ang publiko sa pagtipid sa gas tungod sa kahimtang sa gyera nga dili pa klaro kung kanus-a mahuman.
Photo Courtesy: Philippine Information Agency
