Nahimo nga uyab ang usa ka snatcher ang gwapang babaye nga iyang gilabnihan og smartphone sa Brazil. Ang dalaga ginganlan og Emanuela, samtang ang lalaki wala pangalani. Matod pa, nagsugod ang ilang love story dihang gilabni sa lalaki ang selpon sa dalaga samtang naglakaw kini sa eskinita.
Pag-abli niya sa phone, nabighani dayon siya sa kaanyag sa dalaga ug nakahuna-huna nga dili lang selpon ang iyang kuhaon, kundili apil ang kasing-kasing niini.
Inay nga masuko si Emanuela, gi-sugot dayon niya ang lalaki. Sulod lang sa duha ka semana, nahimo na silang mag-uyab dihang nagpagawas sa iyang gibati ang lalaki og miingon nga “would you be my GF”.
Nalingaw ang mga netizens ug giingon nga tungod sa kaanyag sa dalaga, nabag-o ang kinabuhi sa lalaki nga kaniadto snatcher, apan karon usa na ka loverboy.
Sa pikas nga bahin, kini nga organic encouter mga kajuander nagpakita sa katingalahan ug dili kasagaran nga panghitabo og naggikan sa sayop nga binuhatan. Samtang miresulta sa wala damhang pagbati sa gugma, dili kini makapawala sa kamatuoran nga ang iyang gihimo sayop ug nakadaot sa uban.
Ang leksyon niini mao nga ang gugma dili dapat magsugod sa kadaot o krimen. Importante ang respeto, hustong pamaagi, ug integridad sa pagpakita og pagbati. Nagpahinumdom usab kini nga ang usa ka tawo kinahanglan una magbag-o ug magmatinud-anon sa iyang binuhatan sa dili pa mangandoy og tinuod nga relasyon.
Photo Courtesy: Shutterstock
