Nagpasidaan ang Iran nga andam sila moatubang sa bisan unsang ground attack gikan sa United States, kasunod sa mga pahayag nga adunay mga sundalo sa U.S. nga giandam alang sa posibleng land assault.
Sumala kang parliament speaker Mohammad Baqer Qalibaf, giakusahan niya ang U.S. nga nagpakitang gusto og dayalogo apan sa tinuod nag-andam na diay sa militar nga aksyon.
Matod pa niya, bisan pa sa panawagan sa U.S. nga mosurender ang Iran, dili kini dawaton sa ilang nasud, lakip na ang bisan unsang porma sa pagpamugos gikan sa Estados Unidos.
Gipasiugda usab sa Iran nga magpabilin silang lig-on sa pagdepensa sa ilang nasud batok sa posibleng hulga niini.
Kahinumduman nga una nang naglingkod sa negosasyon ang mga representante sa United States ug Iran aron itukod ang usa ka peace plan nga nagtumong sa paghuman sa nagpadayon nga tensyon ug panagbangi tali sa duha ka nasud.
Photo Courtesy: Remate
