Gibasura sa City Prosecutor ang kasong grave threats nga gipasaka ni Jay Caren Hisola Bucol batok kang Sta. Cruz, Davao del Sur Mayor Jose Nelson “Tata” Sala. Sumala sa prosekusyon, wala’y legal nga katungod si Bucol sa pagpasa sa kaso ug wala usab mapamatud-i nga nahadlok ang giingong biktima sa maong hulga.
Gikumpirma sa kampo sa mayor nga nadawat na nila ang resolusyon nga nag-dismiss sa reklamo. Ang kaso gisang-at ni Bucol human sa pagkamatay sa iyang igsoon nga si Kapitan Oscar Bucol Jr., diin giingong adunay hulga nga nalambigit ang mayor.
Samtang, sa laing kaso, gipaboran usab sa hukmanan si Mayor Sala sa kasong cyber libel batok kang Junior Ortiz Digamon. Nahukman nga adunay 1 ka count sa cyber libel ug 3 ka count sa unjust vexation.
Sa pagkakaron, gihulat na nga iduso ang kaso sa korte ug ang posibleng pagpagawas sa warrant of arrest batok kang Digamon.
