Nagpadayon ang kusog nga kampanya sa Barangay Ginebra San Miguel human mapildi nila ang Converge FiberXers sa iskor nga 99-93 sa nagpadayon nga Philippine Basketball Association 50th Season Commissioner’s Cup.
Milabaw sa duwa si RJ Abarrientos sa katapusang bahin sa duwa, human niyang maputol ang 93-all nga deadlock pinaagi sa duha ka free throws nga iyang sapasulod uban ang nahibiling 2:02 minutos sa duwa.
Dako usab og natampo si Justin Brownlee nga nakarekord og 33 puntos ug 10 rebounds, samtang si Abarrientos mitapos nga adunay 32 puntos alang sa Ginebra.
Sumala kang Tim Cone, head coach sa Ginebra, importante ang ilang lig-on nga finishing sa duwa, ilabi na human sa ilang mapait nga kapildihan batok sa NLEX Road Warriors niaging Biyernes.
Sa karon, adunay duha ka daog ug usa ka kapildihan ang Gin Kings, samtang ang Converge adunay usa ka daog ug upat ka kapildihan sa standings.
Bisan pa sa paningkamot sa Converge, dili kini igo aron mapildi ang Ginebra, bisan pa sa 20 puntos ni Justin Baltazar ug 16 puntos gikan kang Mikey Williams.
Padayon ang kompetisyon sa Commissioner’s Cup samtang nag-indigay ang nagkalain-laing koponan alang sa mas maayong pwesto sa liga.
Photo courtesy:GMA Network
