Kanselahon sa Vietnam ang daghang flights paingon sa Pilipinas karong Mayo taliwala sa nagkataas nga presyo sa lana. Nakita nga magpahinay kini air connectivity sa mga tugpahanan nga magkonektar sa lain-laing destinasyon sa usa ka fastest-growing Southeast Asian corridors.
Sa gipagawas nga abiso, gipahibalo sa Vietnam Airlines ang suspensiyon sa dinosenang mga flights gikan Manila ug Cebu paingon sa Vietnam. Partikular nga kanselahon sa airline company ang Cebu-Hanoi flights gikan Mayo 12 hangtod 15 bisan pa ang gikan sa Mayo 19 ug 20.
Gawas niini, suspendido sab sa Vietnam Airlines ang scheduled flights tali sa Manila ug Ho Chi Minh sa Mayo 6 hangtod 8, 12 hangtod 14, 20 hangtod 22 ug Mayo 26 hangtod 27. Papason sa carrier sa calendar ang pipila ka flights tali sa Manila ug Hanoi gikan Mayo 5, 12, 15, 22, 26 ug 29.
Photo Courtesy: Atlys
