Hugot nga gibantayan sa Department of Health (DOH) ang presyo sa mga tambal tungod sa nagpadayon nga oil crisis.
Sumala kang Albert Domingo, padayon ang ilang pag-monitor sa presyo sa tambal ug medical supplies. Nagpatuman usab sila og inventory checks ug contingency planning sa mga ospital aron masiguro nga dili maputol ang suplay sa tambal.
Miingon usab ang DOH nga posible nga maapektuhan ang sektor sa panglawas tungod sa pagsaka sa inflation, ilabina kay adunay krisis sa Middle East nga nakaapekto sa presyo sa lana.
Gipahimangnoan usab ang PhilHealth nga kinahanglan andam sa posibleng pagsaka sa demand sa health services ug siguraduhon ang sakto nga benepisyo sa mga myembro.
Sa laing bahin, giaghat ang publiko nga sabton ang breakdown o “unbundling” sa bayranan sa mga pribadong ospital aron mas masabtan ang pagsaka sa bayranan tungod sa inflation.
Dugang pa, makatabang ang mga programa sama sa Zero Balance Billing sa DOH ug benepisyo sa PhilHealth aron mapagaan ang gasto sa mga pasyente.
Photo Courtesy: LFA Capsule Fillers
