Gilunsad ang Simulation Exercise (SIMEX) sa kapulisan, sa usa ka gasoline Station nga adunay senaryo nga Robbery incident diin girespondihan dayon isip pag-praktis sa kahanas sa pag-handle sa sitwasyon nga gipahigayon niadtong nakalabay nga adlaw.
Gipangunahan kinin sa Tagana-an Municipal Police Station nga gipangulohan ni PMAJ Mohhamad Fahad D Julwadi, Chief of Police, sa Brgy. Aurora, Tagana-an, Surigao del Norte.
Lakip sa nipartisipar ang mga empleyado sa maong gasolinahan, opisyal sa barangay ug mga personnel sa Municipal Disaster Risk Reduction and Management Office.
Sumala sa kapulisan, tumong sa simulation exercise ang pag-andam sa mga personnel sa posibleng adunay tinuod nga sitwasyon sa krimen, pagpalig-on sa ilang operational effectiveness, ug paghasa sa abilidad sa mga pulis sa pagresponde dayon ug hustong pamaagi sa kaso sa “robbery-in-progress,” ilabi na sa fuel station.
Apil na niini ang hapsay ug luwas sa lugar, pag-aresto sa suspek, ug pagkontrolar sa palibot aron masiguro ang kaluwasan sa publiko.
