Nahimong punong ministro sa Nepal si Balendra Shah, usa ka rapper nga nahimong politiko, human sa kadaugan sa eleksyon niadtong Marso 5. Siya ang pinakabata nga punong ministro sa katuigan ug unang Madhesi nga nangulo sa nasod.
Sa seremonyas sa President House, nagsul-ob siya og slim fit nga pantalon, jacket, itom nga Nepali nga kalo, ug shades. Misalmot ang kapin sa 200 ka Hindu priests ug Buddhist lamas nga nag-ampo ug nag-awit sa tradisyonal nga ritwal.
Gipili ni Shah ang 14 ka myembro sa iyang gabinete, gamay ra aron makaminus sa gasto sa estado. Gihatagan og katungdanan si Swarnim Wagle, Harvard-educated economist, isip finance minister.
Miingon si Balendra Shah nga usa sa iyang mga prayoridad ingon punong ministro mao ang paghatag og kalinaw, trabaho, ug kauswagan sa Nepal.
Hisayran, si Shah kaniadto mayor sa Kathmandu ug ang iyang partido nga Rastriya Swatantra Party nakadaog og 182 sa 275 ka lingkuranan sa parlamento.
Photo Courtesy: BBC
