Natingala si Jay Caren Bucol human kalit mihunong ang National Bureau of Investigation (NBI) sa pag-imbestigar sa kaso sa pagpatay sa iyang igsuon nga si Kapitan Oscar “Dodong” Bucol Jr.
Sa iyang Facebook Live, giingon ni Caren nga ang ilang katapusang komunikasyon sa NBI mao niadtong January 15, 2026. Wala sab nagpahibalo o naghatag og rason ang ahensya kung ngano mihunong ang imbestigasyon.
Aminado si Caren nga mas nagsalig ang ilang pamilya sa NBI, labi na kay sa nakalabay nga press conference, giingon sa ahensya nga posibleng ang mga responsable sa pagpatay anaa sa law enforcement ug sa gobyerno.
Hangtod karon, naglibog gihapon si Caren ngano wala gipadayon sa NBI ang ilang hangyo nga parallel investigation . Giingon niya nga very cooperative ang ilang pamilya ug buot gyud nila nga makab-ot ang hustisya alang sa iyang igsuon.
Photo Courtesy: Philippine News Agency
