Nagbuy-od sa yuta ug wala nay kinabuhi ang usa ka senior citizen nga adunay mga samad-dinunggaban sa lawas, dihang nakaplagan sa usa ka residente niadtong nakalabay nga adlaw sa Purok 3, barangay Alae, Manolo Fortich, Bukidnon. Nailhan ang biktima si alyas Gino, 68-anyos, samtang ang suspetsado nailang si alyas Mario.
Sa imbestigasyon, matod sa anak sa biktima, nga ang iyang amahan niadto sa ilang payag nga nahimutang kilid sa national highway, aron magkuha og pasaw sa baboy, apan wala na kabalik pa.
Samtang gibutyag sab sa igsoon, nga nagpahibalo na kaniya, nga kaniadto ang biktima ug suspetsado adunay kinsa giingong nanghulga sa iyang kinabuhi, human gikataho nga ang suspetsado namutol og mga kahoy nga walay permiso sa tag-iya sa yuta nga giatiman sa nasangpit nga biktima.
Narekober sa crime scene ang sundang, usa ka unit sa .38 caliber revolver, motorsiklo, sling bag nga gisudlan sa laing usa ka unit sa .38 caliber revolver ug uban pang mga butang. Sa karon, nagpahigayon og hot pursuit operation ang kapulisan alang sa pagsikop sa suspect.
Photo Courtesy: Manolo Fortich Municipal Police Station
