Kapin sa 24 ka mga tawo ang namatay human nahulog ang usa ka bus sa Padma River sa Daulatdia, distrito sa Rajbari. Ang bus mitugpa sa gilawmon nga 9 metros ug adunay 40 ka mga pasahero ang sakay.
Sumala sa opisyal sa serbisyo sa bombero Talha Bin Qasim, ang mga rescue team nakarekober og 22 ka mga lawas gikan sa bus, lakip ang lima ka mga batan-on, 11 ka mga babaye, ug unom ka mga lalaki diin duha pa ka mga babaye ang namatay human maluwas.
Gipangulohan ang rescue operations sa upat ka fire service units ug 10 divers, gisuportahan sa kasundalohan, pulis, coastguard, ug lokal nga awtoridad.
Sumala sa mga awtoridad, adunay daghang mga aksidente sa dalan ug lantsa sa Bangladesh tungod sa dili maayo nga mga dalan, dili maayo nga kahimtang sa mga sakyanan, ug paspas nga pagmaneho sa mga drayber.
Sa pagkakaron, padayon pa ang imbestigasyon ug search and rescue operations bisan pa man og giingong aduna gihapoy mga indibiduwal nga wala na makit-i sa mga otoridad sa nasangpit nga bus.
Photo Courtesy:Reuters
