Pirmado na ni Ferdinand Marcos Jr. ang Republic Act No. 12317 nga naglatid sa pag-reset sa eleksyon sa Bangsamoro Autonomous Region in Muslim Mindanao (BARMM) karong Setyembre 14, 2026.
Tumong sa maong balaod nga maseguro ang mas organisado, malinawon, ug kasaligan nga pagpahigayon sa piniliay sa rehiyon, human sa mga hagit nga nasinati sa preparasyon ug implementasyon niini.
Sumala sa Malacañang, importante kini aron mapalig-on ang kredibilidad sa eleksyon ug masiguro ang patas nga proseso sa pagboto.
Ubos sa balaod, hatagan og dugang panahon ang Commission on Elections o COMELEC ug ubang ahensya sa gobyerno sa pagpangandam sa mga kinahanglanon sama sa voter registration updates, seguridad, ug logistics.
Gisuportahan usab sa pipila ka mga opisyal sa BARMM ang maong lakang, nga gikatahong makahatag og higayon sa pagpalig-on sa demokratikong proseso sa rehiyon.
Giawhag sa gobyerno ang publiko nga makig-uban ug magpabiling magmatngon aron maseguro ang malinawon ug hapsay nga eleksyon sa umaabot nga 2026.
Photo Courtesy: Instagram
