Gipatuman sa Land Transportation Franchising and Regulatory Board o LTFRB Region 9, ang pagpalig-on sa Social Contracting Program o “libreng sakay” ingon kabahin sa suporta sa publiko, kauban sa pag-rollout sa Fuel Subsidy Program aron matabangan ang mga commuters sa Zamboanga Peninsula.
Matod sa LTFRB 9 Regional Director Tommy M. Macadindang, ang Social Contracting Program nagtugot sa gobyerno sa pag-subsidize sa transport services aron ang commuters makasakay ug libre sa designated routes samtang bayaran ang mga PUV operators nga moapil.
Gipasabot ni Macadindang nga bisan pa nga gipatuman na ang programa sa nakalabayng katuigan, nagpadayon ang ilang expansion niini depende sa national directives ug sa available nga pondo.
Ang maong inisyatibo mopuno sa Fuel Subsidy Program o Pantawid Pasada Program, nga naghatag pinansyal nga ayuda sa mga PUV operators ug drayber nga naapektohan sa pagsaka sa presyo sa fuel.
Kung ma-implement, ipanghatag ang subsidy pinaagi sa fuel cards nga gi-isyu sa Land Bank of the Philippines.
Padayon ang LTFRB 9 sa pakigkoordinar sa mga stakeholders ug nag-awhag sa publiko nga magpabiling updated samtang gina-finalize sa gobyerno ang mga lakang aron suportahan ang commuters ug transport workers.
Photo Courtesy: Philippine News Agency
