Gikalipay sa mga Cotabateño ug mga bisita ang presentasyon sa estado sa Central Mindanao Airport (CMA) ug Cotabato Agro-Industrial Park (CAIP) atol sa State of the Province Address 2026 nga gipahigayon ni Emmylou Taliño-Mendoza niadtong nakalabay nga adlaw sa The Basket at Provincial Capitol Compound.
Sumala sa gobernador, dako na ang kalamboan sa pagkompleto sa maong mga imprastraktura ug gilauman nga mahuman kini.
Gipahayag usab nga ang CMA ug CAIP nga maghatag og dugayng benepisyo sa lalawigan lakip na ang sigurado nga merkado, dugang oportunidad sa negosyo, mas taas nga income sa mga mag-uuma, ug paspas nga distribusyon sa mga produktong agrikultural padulong sa lain-laing bahin sa kalibutan.
Dugang pa niini nga kini nga mga proyekto kabahin sa padayon nga paningkamot sa probinsyal nga gobyerno aron mapalambo ang ekonomiya ug mapalig-on ang sektor sa agrikultura sa Cotabato Province.
Photo Courtesy: PGO
