Nakaabot na sa Pilipinas sa unang shipment sa Russian crude oil human sa lima ka tuig. Ang tanker nga Sara Sky, nagdala og 100,000 tonelada sa ESPO blend crude gikan sa Kozmino port, Russia, nga niabot sa Limay, Bataan alas 2 sa hapon sa Marso 24 padulong sa Petron Corporation refinery.
Gipahibalo nga nag-import ang Pilipinas sa Russian oil aron makapangita og alternatibong supply samtang padayon ang tensyon sa Strait of Hormuz ug nagsaka ang presyo sa Middle Eastern oil.
Sumala ni Energy Secretary Sharon Garin, gisusi sa gobyerno ang tanan opsyon, samtang nagpadayon ang pakig-istorya sa suppliers sa Thailand, Japan, ug Singapore.
Nasayran, nga gideklara si Pangulong Ferdinand Marcos Jr. og nasudnong energy emergency aron paspas ang pagtubag sa risgo sa supply, lakip ang advance payment sa fuel ug pagsiguro sa lihok sa essential goods. Ang executive order molungtad sulod sa usa ka tuig.
Photo Courtesy: PHILSTAR
