Nabutang karon sa risgo ang global food supply human sa pagsira sa Strait of Hormuz, nga maoy importante nga ruta sa enerhiya ug fertilizer.
Tungod sa tensyon sa Middle East, naputol ang dako nga bahin sa supply sa fertilizer, lakip ang urea nga nagdepende sa Gulf region. Misaka usab ang presyo niini og kapin 50 porsyento, hinungdan sa taas nga gasto sa agrikultura.
Naapektohan na ang mga nasud sama sa India, China, ug Australia, samtang pipila ka fertilizer plants napugos sa pagsira tungod sa kakulangan sa enerhiya ug taas nga gasto sa transportasyon.
Sumala sa mga eksperto, posibleng mosamot ang kakulang sa pagkaon kung magpadayon ang krisis, ug ang pag-abli pag-usab sa Strait of Hormuz maoy yawi aron mabalik ang normal nga suplay.
Photo Courtesy: Infinity Galaxy
