Mapasigarbuhon gisaulog sa delegasyon sa Misamis Occidental ang ilang sunod-sunod nga kadaugan human makuha ang “back-to-back” championship sa bag-ohay lang nga kompetisyon sa Northern Mindanao Regional Athletic Association Meet nga gipahigayon sa Bukidnon niadtong Marso 18-24, 2026
Gipadayag ni Reynaldo E. Manuel Jr. Division Superintendent sa Misamis Occidental sa One Asenso MisOcc team iyang dakong pasalamat sa maayong pagdawat sa probinsya ilabina ngadto kang governor Rogelio Roque ug Dr. Victoria Gazo, Schools Division Superintendent DepEd –Bukidnon.
Sumala pa niya, ang sekreto sa ilang kalampusan mao ang hugot nga koordinasyon tali sa mga ginikanan, lokal nga gobyerno (LGU), ug mga tunghaan samtang gipasiatab usab niya ang mantra nga “Asenso”—usa ka panawagan ni Governor Henry Oaminal sa pagkab-ot sa mas taas nga lebel sa pasundayag pinaagi sa disiplina ug inadlaw-adlaw nga training.
Isip ganti sa ilang kakugi, gikumpirma niya nga ang matag atleta nga nakadaog makadawat og ₱75,000 nga insentibo gikan sa kagamhanan sa Misamis Occidental. Sa kinatibuk-an nakuha sa delegasyon sa One Asenso MissOcc ang 266 ka Medalya, gilangkoban sa 91 Gold, 86 Silver, 89 ka bronze, gisundan sa Bukidnon Zeal isip first runner-up, Misamis Oriental, Iligan City, ug Cagayan de Oro City.
Sa mensahe atol sa closing ceremony gipadayag ni Department of Education Region -10 Director Arturo B. Bayucot, ang pagdayeg sa kalampusan sa kalihukan nga gibase sa epektibong pagplano ug panaghiusa, pagpakita og labaw nga dedikasyon sa katungdanan, lig-on nga kolaborasyon, dako nga suporta ug resources ilabina kang Senator Juan Miguel F. Zubiri ug mga lokal nga opisyal ug stakeholders.
Photo Courtesy: Philippine News Agency
