Nagpasaka og reklamo ang 15 ka mga mag-uuma batok kang kanhi presidential spokesperson Atty. Harry Roque sa giingong “land-grabbing” o pag-ilog og yuta sa Bataan, ngadto sa National Bureau of Investigation (NBI) buntag sa Marso 24, 2026.
Matod sa mga mag-uuma, ang tipik sa ilang yuta nga nasakop sa Certificates of Land Ownership Award (CLOA) kalit lang nga gibalhin ngadto sa usa ka pribadong korporasyon nga duna’y kalambigitan sa Philippine Offshore Gaming Operations (POGO).
Gipahibalo usab nga ang maong pagbalhin sa yuta giingong wala’y pagtugot o clearance gikan sa Department of Agrarian Reform (DAR).
Sa iyang bahin, gilimod ni Roque ang maong mga pasangil ug gihulagway ang lakang isip kabahin lamang sa paningkamot nga dauton ang iyang dungog.
Giklaro niya nga wala pa’y pormal nga kaso batok kaniya kondili usa pa lamang kini ka reklamo sa NBI, apan gipahibalo niya nga andam niyang atubangon ang bisan unsang legal nga lakang aron pamatud-an nga wala siya’y kalapasan nga nahimo.
Photo Courtesy: Philippine News Agency
