Kabayo ang gisakyan sa usa ka estudyante didto sa General Santos City, tungod sa padayon nga pagsaka sa presyo sa gasolina, kini usa ka talagsaong paagi aron makasulod sa eskwelahan nga makatipid. Ang maong estudyante nga nailhang si John Jeric, nga nag-eskwela sa usa ka publikong tulunghaan, mipili nga undangan ang paggamit sa iyang motor tungod sa kamahal sa gasolina.
Imbis nga mogasto og dako, iyang gigamit ang iyang allowance sa pagpalit og pagkaon alang sa iyang kabayo sulod sa usa ka semana, nga mas praktikal alang kaniya ug sa ilang pamilya.
Nahimo kini nga talagsaon ug makalingaw tan-awon, ilabi na kay ang iyang mga kauban kasagaran mosakay og jeep o tricycle. Bisan pa man, alang kang John Jeric, dili kini ikaulaw kundili usa ka paagi sa pagtipid ug pagtabang sa ginikanan.
Usahay, adunay mga kauban niya nga mohanyo og angkas ug iyang pasakyon kung makaya pa sa kabayo. Tungod niini, nakatipid siya og nakatabang usab sa uban, samtang nahimong inspirasyon nga usahay mas epektibo ang simple ug praktikal nga paagi kaysa mahal nga alternatibo.
