Padayon ang pagpalig-on micro, small, and medium enterprises ( MSMEs) sa probinsya sa Zamboanga Sibugay pinaagi sa bag-ong programa nga gipahigayon sa Department of Trade and Industry o DTI.
Gipahigayon sa DTI ang serye sa mga pagbansay ug seminar alang sa mga lokal nga negosyante, ilabi na sa micro, small, and medium enterprises (MSMEs). Tumong niini nga mapalambo ang kahibalo sa pagdumala sa negosyo, marketing strategies, ug digitalization aron mas modako ang ilang kita.
Sumala sa DTI, apil sa programa ang paghatag og mentoring, access sa financing, ug tabang sa pagpalapad sa merkado sa mga produkto sa mga negosyante sa Sibugay. Gidasig usab ang paggamit sa online platforms aron mas maabot ang mas daghang kustomer.
Gikalipay sa mga negosyante nga dako ang tabang sa maong inisyatibo, ilabi na sa pagbangon gikan sa mga hagit sa ekonomiya sa niaging mga tuig.
Padayon usab ang paningkamot sa DTI nga masuportahan ang lokal nga produksyon ug mapalig-on ang ekonomiya sa probinsya pinaagi sa paghatag og dugang kahigayunan sa mga gagmay’ng negosyante.
Photo Courtesy: DTI Zamboanga Sibugay FB PAGE
