Gibutyag ni Land Transportation Franchising and Regulatory Board 10 Regional Director Aljo Bendijo nga mokabat sa 4,000 ka mga PUV drivers ug operators ang anaa sa ilang listahan nga makadawat og fuel subsidy nga ipang apod-apod sugod abril 6, liwas sa semana santa.
Matod pa ni Bendijo, Gcash ang pamaagi sa pag apod-apod sa fuel subsidy nga 10,000 pesos alang sa Bus, modern ug traditional PUV ug UV Express, diin mag tunga ang driver ug operators.
Sa taxi units, 5,000 sa driver ug 2,000 pesos alang sa operators. Gawas sa fuel subsidy, makadawat sab ang mga drivers ug 5,000 pesos nga ipaagi sa AICS. Ang Departament of Social Welfare matod pa ang mag apod-apod sa mga ayuda.
Photo courtesy: LTFRB Region X – Cagayan de Oro City
