Giuyonan sa ika-21 nga City Council ang pagpalabang og resolusyon nga nagsuporta sa pagpagawas sa ₱112 milyones nga tabang sa bugas alang sa mga kabus nga pamilya.
Pinaagi sa resolution no. 2026-280, kuhaon ang pundo alang niini nga lakang gikan sa Local Government Support Fund – Financial Assistance to Local Government Units sa nasudnong kagamhanan.
Kini nga lakang nagtinguha nga makahatag og dinaliang hinabang sa pagkaon ngadto sa mga pamilyang ubos og kita ug sa mga “vulnerable groups” sa syudad. Ang pundo gamiton sa pagpalit og bugas ug sa pagtubag sa mga galastuhan sa transportasyon aron masiguro ang paspas nga paghatud niini ngadto sa mga kwalipikadong benepisyaryo.
Subay sa resolusyon, ang syudad pinaagi sa City Social Welfare and Development Department (CSWD) ang modumala sa pag-verify sa mga benepisyaryo, pagpalit sa mga suplay, ug sa pag-apod-apod sa hinabang.
Photo courtesy: Cagayan de Oro City Council
