Gikumpirmar sa Ministry of Interior Qatar nga unom katawo ang nakalas human nga nahagsa ang usa ka helicopter sa territorial waters sa Qatar.
Matod sa mga awtoridad nga unom sa pito nga sakay sa helicopter ang narekober sa search and rescue team nga patay na samtang padayon pa sab nga gipangita sa mga awtoridad ang usa pa ka biktima nga kasamtangang namissing.
Una na nga nipahayag ang Ministry Defense sa Qatar nga posibleng teknikal nga aberya ang naangkon sa helicopter ug giklaro nga wala kini indikasyon sa pag-atake ug wala pa’y kasigurohan kung ang naaksidente nga aircraft gipanag-iya sa military o pribado nga indibidwal.
Samtang, mao sab kini ang labing una nga nareport nga aviation-related nga insidente sa Qatar taliwa sa kasamtangang nagpadayon nga tensiyon sa Middle East.
Kasamtangan pa usab nga nagpadayon ang imbestigasyon sa mga awtoridad mahitungod sa insidente samtang nagpaabot sa dugang detalye.
Photo Courtesy: Gujarat Samachar
