Gipahigayon ang public hearing kabahin sa gisugyot nga pagsaka sa plete sa tricycle sa Business Center, Public Market sa Digos City Marso 23, 2026. Gitambongan kini sa kapin gatus ka miyembro ug opisyal sa nagkadaiyang TODA.
Gipatin-aw ni Vice Mayor Atty. Johari Baña nga ang pag-adjust sa plete ibase sa kahimtang sa ekonomiya aron masiguro ang balanse nga kaayohan sa pasahero ug drayber.
Samtang gipasiugda ni City Administrator Rex Cagas ang importansya sa konsultasyon, ug gipresenta ni Councilor Michael Latasa ang proposed fare adjustment nga pagadesisyunan sa 9th City Council.
Dugang pa, adunay ₱5,000 nga one-time cash assistance alang sa mga drayber gikan sa nasudnong programa.
