Miingon ang Malacañang niadtong Lunes nga dili pa oil crisis ang nasinati sa Pilipinas, apan usa ka disruption sa presyo sa gasolina.
Sumala ni Communications Undersecretary Claire Castro, dili pa ikadeklara nga oil crisis kay igo pa ang supply sa nasud. Ang kasamtangang isyu mao ang pagtaas sa presyo tungod sa sitwasyon sa Middle East.
Gipahimangno usab nga tungod sa Oil Deregulation Law, ang presyo sa gasolina sa Pilipinas nakadepende sa presyo sa kalibutan, bisan pa og napalit nila ang ilang suplay sa mas ubos nga presyo kaniadto.
Bisan og napalit nila sa mas mahal nga presyo, kung moubos ang presyo sa merkado, kinahanglan gihapon nila kining ibaligya sa mas ubos nga presyo.
Ang Palasyo nag-finalize og crisis management committee nga motutok sa panginahanglan sa publiko, ilabi na sa suplay sa fuel o petrolyo sa nasud.
Photo Courtesy:ABS-CBN
