Gipadayag ni Caprice Cayetano, ang Big Winner sa Pinoy Big Brother Celebrity Collab 2.0, nga iyang i-donate ang iyang nadaogan ₱1 milyon nga premyo alang sa mga batang adunay grabeng sakit ug sa deaf community.
Nasungkit ni Cayetano ang titulo human makakuha og 61.78 porsyento sa total nga boto gikan sa Kapuso viewers.
Matud pa niya, dugay na niya kining plano bisan wala pa siya mosulod sa Bahay ni Kuya, diin gusto gyud niyang makatabang ug makahatag og kalipay sa uban.
Iyahang target nga hatagan og donasyon ang Little Ark Foundation sa Quezon City, usa ka organisasyon nga nagtabang sa mga batang adunay cancer, thalassemia, ug uban pang kritikal nga sakit.
Giingon ni Cayetano nga gusto niya nga matag bata makasinati og normal ug malipayon nga pagkabata, bisan pa sa ilang kahimtang.
Photo Courtesy: GMA
