Nakauli na sa nasud ang 343 nga mga Filipino nga gikan sa Middle East. Matod ni Department of Migrant Workers (DMW) Secretary Hans Leo Cacdac nga 234 niini ang gikan sa Qatar, Kuwait, ug Bahrain samtang ang 109 direkta sab nga naggikan sa Saudi Arabia.
Niagi ang daghan kanila sa taas nga land crossing paingon sa Riyadh nga niabot og 7 ngadto sa 8 ka oras tungod sa limitado nga operasyon sa airspace sa pipila ka mga nasud sa rehiyon.
Dugang ni Cacdac nga pag-abot nila sa Villamor dali kini silang gihatagan og tabang sa Overseas Workers Welfare Administration (OWWA) lakip ang pasiuna nga tabang pinansyal, temporaryong kapasilungan, ug transport assistance alang sa ilang pag-uli ngadto sa nagkalain-laing probinsiya.
Ang mga mouli sa Visayas ug Mindanao, nakatakda nga ibalhin og hotel accommodation usa ihatod pinaagi sa domestic flights samtang ang mga anaa sa Luzon hatagan og transport assistance sama sa bus ticket kung kinahanglan.
Photo Courtesy: OneTV Philippines
