Nagpadayag og kalagot ug kalibog ang mga estudyante ug mamumuo tungod sa dili parehas ang pag-uminto sa plitehan sa mga habal-habal sa dakbayan sa Mandaue human sa pagsaka sa presyo sa gasolina.
Sumala ni Mandaue City Councilor Jesus Arcilla Jr., daghang residente ang miduol kaniya aron ireport ang walay regulasyon nga pagtaas sa plete.
Matod pa niya, nagkalain-lain ang paningil sa mga drayber gikan ₱25 hangtod ₱40, hinungdan sa kalibog sa mga pasahero.
Tungod niini, naghimo si Arcilla og resolusyon nga gisang-at sa Sangguniang Panlungsod sa Mandaue atol sa regular session.
Ang maong lakang nag-awhag sa mga kapitan sa barangay nga magpatawag og miting uban sa mga lider sa habal-habal organizations sa ilang lugar.
Tumong sa resolusyon ang paghimo og usa ka parehas nga fare matrix alang sa tanang 27 ka barangay sa syudad aron malikayan ang panaglalis tali sa drayber ug pasahero.
Giklaro usab sa konsehal nga dili siya supak sa pagsaka sa pletehan, basta kini makatarunganon, klaro, ug parehas ipatuman sa tibuok dakbayan.
