Kung magbiyahe ka sa Kandahar, ayaw na lang gyud kahibolong kung makakita ka og taxi nga murag naay ref sa ibabaw ug naay tubo nga diretso mosulod sa sakyanan. Kay matod pa sa mga driver, dili na daw na ref, kundi DIY aircon.
Tungod kay pirmi guba ug mahal ayohon ang air-conditioning sa ilang mga sakyanan, nakahunahuna ang ubang drayber nga magbutang na lang og kahon nga naay tubig ug tubo, nga mo-function isip improvised cooler.
Matod pa sa usa ka taxi driver, mas epektibo pa daw kini kay sa aircon—kay ang aircon sa sakyanan, sa atubangan ra bugnaw apan ang ilang imbento, pati likod maka-feel og hangin nga murag naa sa freezer.
Sa kainit nga moabot og kapin 40 degrees Celsius, wala nay arte-arte ang mga driver—basta bugnaw, game na.
Apan bisan kataw-anan tan-awon, napamatud-an nga ang ilang imbensyon barato, tipid sa kuryente, ug kusog mobugnaw.
Busa kung makasakay ka og taxi didto nga naay tubo sa atop, ayaw kahadlok—dili na oxygen tank, kundili aircon nga Pinoy-style este Afghan-style diay.
Photo courtesy: Oddity Central
